અનોખી હોટેલઃ વૈભવી કાર્સને બનાવી દીધી રૂમની શોભા

| Updated: Tuesday, September 16, 2014, 17:43 [IST]

આપણે ક્યાંક પ્રવાસે ગયો હોઇએ અથવા તો કોઇ અનોખા સ્થળની મુલાકાત લઇએ ત્યારે આપણને ત્યાં કોઇ એક થીમ આધારિત શણગાર જોવા મળે છે. ભારતની વાત કરીએ તો શહેરોમાં કેટલાક સ્થળે રાજસ્થાની સંસ્કૃતિને પ્રદર્શિત કરતું શણગાર તો પછી ક્યારેક એક ગામડાંનું વાતાવારણ હોટલમાં ઉભુ કરતા રિસોર્ટ તૈયાર કરવામાં આવ્યા હોય છે. કેટલીક હોટલ્સને પણ આ રીતે શણગારવામાં આવે છે. પરંતુ વિદેશમાં તેનાથી અનોખું જોવા મળે છે.

વિદેશમાં ક્યાંક હન્ટેડ હાઉસનો તો ક્યારેક હવામાં ઉડતાં પ્લેનનો થીમ તરીકે ઉપયોગ કરી તેમાં એક શાનદાર હોટેલનું નિર્માણ કરવામાં આવે છે અને લોકોને આકર્ષિત કરવામાં આવે છે. જર્મનીમાં આવી જ એક હોટેલ તૈયાર કરવામાં આવી છે, જેમાં આવી કોઇ થીમ નહીં પરંતુ એક કાર થીમનો ઉપયોગ કરવામાં આવ્યો છે. જેમાં કાર્સના વિવિધ ભાગને હોટલના વિવિધ રૂમમાં રાખવામાં આવ્યા છે, જેમાંથી ટેબલ, બેડ, ડ્રેસિંગ ટેબલ સહિતની સામગ્રી બનાવવામાં આવી છે, દરેક રૂમમાં એક ખાસ બ્રાન્ડની કાર્સનો ઉપયોગ કરવામાં આવ્યો છે.

આ બ્રાન્ડમાં તમને જાણીતી વૈભવી કાર નિર્માતા કંપની મર્સીડિઝ બેન્ઝ, ફોક્સવેગન ઉપરાંત મોરિસ મિનર્સ કાર્સના અનેક મોડલ્સ જોવા મળી શકે છે. જર્મનીમાં આવેલી આ વી8 હોટેલનું નિર્માણ બીજા વિશ્વયુદ્ધ સમયે એરપોર્ટ ટર્મિનલ માટે ઉપયોગમાં લેવાયેલી જગ્યામાં બનાવવામાં આવ્યું છે. ટર્મિનલના અડધા ભાગમાં હોટેલ છે, જ્યારે બાકીના ભાગમાં ઓટો મ્યુઝિયમ બનાવવામાં આવ્યું છે. આ હોટેલમાં 34 રૂમ છે અને દરેકને એક ખાસ ટચ આપીને શણગારવામાં આવે છે. જો તમે જર્મનીની યાત્રા કરવા જતા હોવ તો આ હોટેલની મુલાકાત લેવાનું ન ભૂલતા. ચાલો તસવીરો થકી એ હોટેલના કેટલાક નજારાને નિહાળીએ.
આ પણ વાંચોઃ- જુઓ વીડિયોઃ ડ્રાઇવિંગ વખતે Luckનું કેટલું મહત્વ
આ પણ વાંચોઃ- જાણવા જેવી ટિપ્સઃ કારને કેવી રીતે રાખવી ગૂડ શેપમાં
આ પણ વાંચોઃ- ટોપ 18 કાર્સ, કિંમત 30 લાખની અંદર

કાર થીમ આધારિત જર્મનીની હોટેલ

જર્મનીમાં બોબ્લિજેન એરપોર્ટ ટર્મિનલમાં ફોર સ્ટાર હોટેલ વી8ને બનાવવામાં આવી છે. જેમાં વિવિધ બ્રાન્ડની કાર્સના મોડલ્સ અને પાર્ટ્સનો ઉપયોગ કરવામાં આવ્યો છે.