નેનોને લોકોની નાના, ગુજરાતમાં ટાટા નેનોનો પ્લાંટ બંધ

નેનોનો પ્લાંટ બંધ

ટાટા મોટર્સે ગુજરાતના સાણંદ સ્થિત લખટકીયા કાર નેનોનો પ્લાંટ બંધ કરી દીધો છે. આ કારની ઘટતી માંગ અને વધતા ભંડારના કારણે કંપનીને આ પગલું ભરવું પડ્યું છે. આ સમાચાર આર્થિક સમાચાર પત્ર 'ધ ઇકોનોમિક્સ ટાઇમ્સ'એ આપી છે. સમાચાર પત્રના જણાવ્યા અનુસાર આ પ્લાંટ 35થી 40 દિવસો સુધી બંધ રહેશે.

હજારો ગાડીઓ અહી ડિલીવરી માટે પડી છે

નેનોની માંગ કંપનીની આશાઓ અનુસાર ન થવાના કારણે તેનો સંગ્રહ મોટું થતું રહ્યું. હજારો ગાડીઓ અહીથી ડિલીવરી માટે પડી છે. કંપનીએ ગયા મહીનાથી આ પ્લાંટની ક્ષમતા ઘટાડવાનું શરૂ કરી દીધું હતું અને ત્યા 2-3 દિવસ જ ઉત્પાદનનું કામ થતું રહ્યું. કંપની દરેક મહીને 2000થી 2400 કાર બનાવી રહી હતી. પરંતુ હવે તેણે નિર્ણય કરી લીધો છે કે ઉત્પાદન નહી કરે. આ આખો મહીનો આ પ્લાંટ બંધ રહેશે.

વાર્ષિક મેંટેનન્સના કારણે બંધ

જોકે કંપનીના એક પ્રવક્તાએ જણાવ્યું કે આ પ્લાંટ વાર્ષિક મેંટેનન્સના કારણે બંધ થઇ રહ્યો છે. જેમાં 3 થી 6 અઠવાડીયા લાગશે. પરંતુ એક્સપર્ટ્સનું માનવું છે કે આ પ્રકારે મેંટેનન્સમાં આટલો સમય નથી લાગતો અને વાત એ નથી.

નેનોના સીએનજી વર્ઝનમાં પણ ફેઇલ

આ પ્લાંટમાં અઢી લાખ નેનો કાર બની શકે છે પરંતુ ગયા વર્ષે માત્ર 21,538 કાર વેચાઇ હતી. જેના કારણે આ કારનો મોટો જથ્થો જમા થઇ ગયો છે. નેનોના સીએનજી વર્ઝનમાં પણ લોકોએ કોઇ રસ દાખવ્યો નથી. તેના કારણે પણ વેચાણ થયું નથી.

ટાટાની તૈયારી

2000 કરોડ રૂપિયાના ખર્ચે બનેલા આ પ્લાંટમાં ટાટા મોટર્સ પોતાની નવી કાર કાઇટના ઉત્પાદનની તૈયારી કરી રહ્યું છે. આ ઉપરાંત તેની નવી સેડાન પણ આ જ પ્લાંટમાં નિર્માણ પામશે.