OMG : 25 કિલોનો લહેંગો પહેરી આલિયાએ પોતાની જાતને કહી ‘કઢંગી’!!!

મુંબઈ, 21 જુલાઈ : માત્ર ચાર જ ફિલ્મો વડે લોકોના દિલોમાં જગ્યા બનાવી લેનાર આલિયા ભટ્ટનું કહેવું છે કે તેઓ ખૂબ જ અવ્યવસ્થિત-કઢંગા-અણઘડ પ્રકારની વ્યક્તિ છે. શ્રી રાજ મહલ જ્વૅલર્સ ઇન્ડિયા કોટ્યોર વીક એટલે કે આઈસીડબ્લ્યુમાં જાણીતા ફૅશન ડિઝાઇનર મનીષ મલ્હોત્રાના શોમાં 20 કિલો કરતા વધુ વજનદાર લહેંગો પહેરી રૅમ્પ પર ઉતરનાર આલિયાએ જણાવ્યું - મેં ક્યારેય વિચાર્યુ નહોતું કે હું ક્યારેક રૅમ્પ પર ચાલીશ અને તે પણ મનીષ મલ્હોત્રાના ફૅશન શોમાં.

જોકે રૅમ્પ પર આલિયા ભટ્ટ ખૂબ જ આત્મવિશ્વાસથી ભરપૂર દેખાતા હતાં. આલિયાએ જણાવ્યું - હું અંદરોઅંદર ખૂબ જ નર્વસ હતી, કારણ કે હું થોડીક અવ્યવસ્થિત છું. આલિયાએ શો બાદ મીડિયા સાથે વાતચીતમાં જણાવ્યું - હું બહુ ગભરાઈ જાઉ છું. હું એક ખૂબ જ અવ્યવસ્થિત માણસ છું. હું ઊભા-ઊભા પડી જાઉ છું. તેવામાં લગભગ 25 કિલોના કપડાં, ઉંચી એડીના સેંડલ પહેરવાં, સારૂ દેખાવું, પોઝ આપવું અને લોકોને તાળીઓ વગાડતા જોઈ સ્મિત ફરકાવવુ... મારા ખ્યાલથી આ બધુ બેચેન કરી જનારુ છે, પણ મારા મત મુજબ આ બે મિનિટ સર્વશ્રેષ્ઠ છે.

આલિયાએ તે સમય પણ યાદ કર્યો કે જ્યારે તેઓ મનીષા મલ્હોત્રાના શો માટે દર્શક દીર્ઘામાં બેઠા હતાં. આલિયાએ કહ્યું - હું બે વરસ અગાઉ અહીં હતી અને કૅટરના કૈફ રૅમ્પ ઉપર ચાલી રહ્યા હતાં. હું કરણ જૌહર સાથે દર્શકો વચ્ચે બેઠી હતી અને વિચારી રહી હતી કે લોકો કઈ રીતે ચાલે છે?

નોંધનીય છે કે સ્ટુડન્ટ ઑફ ધ ઈયર જેવી હિટ ફિલ્મ સાથે બૉલીવુડ કૅરિયર શરૂ કરનાર આલિયા ભટ્ટે તે પછી સતત ત્રણ સફળ ફિલ્મો હાઈવે, 2 સ્ટેટ્સ અને હમ્પ્ટી શર્મા કી દુલ્હનિયા આપી છે.

ચાલો તસવીરોમાં જોઇએ આઈસીડબ્લ્યુમાં રૅમ્પ પર કોણ-કોણ ચાલ્યું?

આલિયા ભટ્ટ

હમ્પ્ટી શર્મા કી દુલ્હનિયા આલિયા ભટ્ટ ખૂબ જ પ્રેટ્ટી દેખાતા હતાં. તેઓ મનીષા મલ્હોત્રા માટે શો સ્ટૉપર બન્યા હતાં. આલિયાએ પહેરેલ કપડાં 25 કિલોના હતાં.

આદિત્ય રૉય કપૂર

આદિત્ય રૉય કપૂરે પણ મનીષા મલ્હોત્રા માટે રૅમ્પ વૉક કર્યુ હતું.

કંગના રાણાવત

ક્વીન કંગના રાણાવતે અનુજ મોદી માટે રૅમ્પ વૉક કર્યુ હતું.

લીઝા હૅડન

ક્વીનમાં કંગના સાથે કામ કરનાર ધ ડસ્કી બ્યુટી લીઝા હૅડન મોનીષા જયસિંગ માટે શોસ્ટૉપર બન્યા હતાં.

મલાઇકા અરોરા ખાન

ધ હૉટ મમ્મા મલાઇકા અરોરા ખાને ગોર્જિયસ રૂપ ધર્યો હતો અને રીના ઢાકા માટે શોસ્ટૉપર બન્યા હતાં.

નિમ્રત કૌર

ધ લંચબૉક્સ એક્ટ્રેસ નિમ્રત કૌર સુંદર દુલ્હન દેખાય છે. તેઓએ પણ રીના ઢાકા માટે રૅમ્પ વૉક કર્યુ હતું.

રાણી મુખર્જી

નવોઢા અને ચોપરા ખાનદાનના વહુ રાણી મુખર્જી ઓપનિંગ સેરેમનીમાં પોતાના ફૅવરિટ ડિઝાઇનર સબ્યસાચી મુખર્જીને ટેકો આપવા પહોંચ્યા હતાં.

શ્રદ્ધા કપૂર

એક વિલન એક્ટ્રેસ શ્રદ્ધા કપૂરે ગૌરવ ગુપ્તા માટે રૅમ્પ વૉક કર્યુ હતું.

બિપાશા બાસુ

બિપાશા બાસુએ ફિનાલેમાં દેસી વહુનો અવતાર ધર્યો હતો.

ચિત્રાંગદા સિંહ

આઈસીડબ્લ્યુમાં ચિત્રાંગદા સિંહે પણ પોતાના જલવા પાથર્યા હતાં.