Preview : આ રહ્યા 5 કારણો ભૂતનાથ રિટર્ન્સ જોવાનાં!

મુંબઈ, 10 એપ્રિલ : આ શુક્રવારે પડદા પર અમિતાભ બચ્ચનની ફિલ્મ ભૂતનાથ રિટર્ન્સ રિલીઝ થવા જઈ રહી છે. વડીલો કરતા બાળકોને આ ફિલ્મનો વધુ ઇંતેજાર છે. ફિલ્મ ચૂંટણીના માહોલ વચ્ચે રિલીઝ થઈ રહી છે. તેથી તેના બિઝનેસ પર અસર પડી શકે છે, પરંતુ આવી તમામ મુશ્કેલીઓથી દૂર અમિતાભ બચ્ચન સહિત ફિલ્મની આખી ટીમ તેના પ્રમોશનમાં વ્યસ્ત છે.

આને પોતાના કામના પ્રત્યે અમિતાભ બચ્ચનનું સમર્પણ કહો કે પછી મહોબ્બત કે જેના પગલે તેમણે પોતાના પત્ની જયા બચ્ચનનો ગઈકાલે જન્મ દિવસ ન ઉજવ્યો અને દુબઈ પહોંચી ગયાં ભૂતનાથ રિટર્ન્સ ફિલ્મના પ્રમોશન માટે. હાલ તો ફિલ્મમાં તે તમામ રોચક તથ્યો છે કે જેથી દર્શકો ખાસકરીને બાળકો તેને જોવા માટે થિયેટર જાય. તેથી ફિલ્મને ઉનાળાના વૅકેશન દરમિયાન રિલીઝ કરવામાં આવી રહી છે.

ભૂતનાથ રિટર્ન્સ ફિલ્મની બીજી ખાસિયત છે બોમન ઈરાની કે જેઓ ફિલ્મમાં વિલન છે. તેઓ ભ્રષ્ટ નેતાના રોલમાં છે. ફિલ્મનું વધુ એક મહત્વનું પાત્ર અખરોટ છે કે જેને પડદા ઉપર પાર્થ જીવંત કરી રહ્યો છે. તેના પ્રત્યે પણ લોકો બહુ ઉત્સુક જણાય છે. સરવાળે ફિલ્મના ટ્રેલરને બહુ મહત્વ અપાયું છે. જોઇએ ફિલ્મ રૂપેરી પડદે કેવી કમાલ બતાવે છે.

ચાલો તસવીરો સાથે જાણીએ ભૂતનાથ રિટર્ન્સ જોવાના પાંચ કારણો :

આ ભૂત ડરાવતો નથી, હસાવે છે

પોતાના પ્રથમ ભાગની જેમ જ ભૂતનાથ રિટર્ન્સનો ભૂત પણ ખૂબ મજાનો છે. તેનાથી બાળકો ડરતા નથી, પણ બાળકોને તે ભૂત બહુ ગમે છે, કારણ કે આ ભૂત બાળકોને ડરાવતો નથી, બલ્કે મદદ કરે છે, તેમની સાથે રમે છે, ડાન્સ કરે છે.

બહુ સ્માર્ટ છે આ ભૂત

ભૂતનાથ રિટર્ન્સનો ભૂત બહુ સ્માર્ટ છે. તે બીજા ભૂતોની જેમ ભયાનક નથી દેખાતો, પણ બહુ અપ-ટુ-ડેટ છે. તે સૂટ અને કોટમાં લોકોને મળે છે અને અંગ્રેજીમાં વાતો કરે છે.

ભૂતનાથની સિક્વલ

ભૂતનાથ રિટર્ન્સ 2008માં આવેલી ભૂતનાથની સિક્વલ છે. ભૂતનાથ બહુ પસંદ કરાઈ હતી. તેથી ભૂતનાથ રિટર્ન્સ પ્રત્યે લોકોનો રસ વધી ગયો છે.

રાજકારણ પર કટાક્ષ

ભૂતનાથ રિટર્ન્સ ફિલ્મ ભ્રષ્ટ વહિવટી તંત્ર તથા ગંદા રાજકારણ પર તીખુ વ્યંગ્ય છે. તેથી ચૂંટણીના માહોલમાં આ ફિલ્મ જરૂર જોવી જોઇએ.

હની સિંહ

તાજેતરની તમામ હિટ ફિલ્મોમાં યો યો હની સિંહના ગીતોનો તડકો લાગે છે. શાહરુખથી લઈ સન્ની લિયોન સુધીને પોતાના ઇશારે નચાવનાર હની સિંહે અમિતાભ પાસે પણ ઠુમકા લગાવ્યાં છે. હનીના ગીત પર અમિતાભ ઠુમકા લગાવતા કેવા દેખાય છે, તે જોવા પણ આ ફિલ્મ જરૂર જોવી જોઇએ.