ત્રણેય ખાનોને લઈ ફિલ્મ બનાવશે રણબીર : જુઓ કેટલો મોટો છે પડકાર?

શાહરુખ-આમિર

શાહરુખ ખાન અને આમિર ખાન બૉલીવુડના એવા બે ખાન છે કે જેમની વચ્ચે કોઈ ખુલ્લી લડાઈ નથી. બંને એક-બીજા સાથે વાત કરે છે, મંચ શૅર કરે છે, પણ સ્ક્રીન શૅર નથી કરતાં.

એકમાત્ર ફિલ્મ

શાહરુખ-આમિરની લીડ રોલ ધરાવતી કોઈ ફિલ્મ નથી બની. જોકે 1993માં આવેલી આશુતોષ ગોવારીકર દિગ્દર્શિત ફિલ્મ પહલા નશામાં શાહરુખ અને આમિર બંનેએ કૅમિયો રોલ કર્યા હતાં. આ ફિલ્મ દીપક તિજોરી, પૂજા ભટ્ટ, રવીના ટંડન અને પરેશ રાવલની હતી.

શાહરુખ-સલમાન

હવે વાત બૉલીવુડમાં પોતાના સંબંધો અંગે સતત ચર્ચામાં રહેતા શાહરુખ-સલમાનની વાત કરીએ.

યાદગાર કરણ-અર્જુન

શાહરુખ-સલમાનની યાદગાર ફિલ્મ હતી રાકેશ રોશનની કરણ-અર્જુન. આ ફિલ્મ સુપરહિટ રહી હતી. આજે પણ લોકો શાહરુખ-સલમાનની જોડીને કરણ-અર્જુનના નામે જ સંબોધે છે.

હર દિલ જો પ્યાર કરેગા

સલમાન ખાન, પ્રીતિ ઝિંટા અભિનીત હર દિલ જો પ્યાર કરેગા ફિલ્મમાં શાહરુખે કૅમિયો કર્યો હતો.

હમ તુમ્હારે હૈં સનમ

શાહરુખ-સલમાને હમ તુમ્હારે હૈં સનમ ફિલ્મમાં પણ સ્ક્રીન શૅર કરી હતી કે જેમાં માધુરી દીક્ષિત પણ હતાં.

કુછ કુછ હોતા હૈ

શાહરુખ ખાન, કાજોલ અને રાણી મુખર્જીના લીડ રોલ ધરાવતી કુછ કુછ હોતા હૈ ફિલ્મમાં સલમાન ખાને કૅમિયો રોલ કર્યો હતો. જોકે તેમનો રોલ ખાસો લાંબો લગભગ 20 મિનિટનો હતો.

દુશ્મન દુનિયા કા

1996માં આવેલી મેહમૂદ દિગ્દર્શિત ફિલ્મ દુશ્મન દુનિયા કામાં જીતેન્દ્ર, મંજૂર અલી, સુમનલતા, લલિતા મહેદીન, જ્હૉની લીવર, ફરીદા જલાલ અને મેહમૂદ લીડ રોલમાં હતાં, પરંતુ આ ફિલ્મમાં શાહરુખ-સલમાને કૅમિયો રોલ કર્યા હતાં.

ઓમ શાંતિ ઓમ

શાહરુખ-સલમાન છેલ્લી વખત ઓમ શાંતિ ઓમમાં સાથે દેખાયાં. શાહરુખ-દીપિકા અભિનીત ઓમ શાંતિ ઓમના એક ગીતમાં સલમાન કૅમિયો તરીકે દેખાયા હતાં.

સલમાન-આમિર

હવે વાત કરીએ સલમાન-આમિરની. આમિર એકમાત્ર એવા ખાન છે કે જેમના સંબંધો શાહરુખ-સલમાન બંને સાથે બગડેલા નથી, પરંતુ આ જોડી પણ દુર્લભ જ રહી છે.

અંદાઝ અપના અપના

સલમાન-આમિરે આટલા લાંબા કૅરિયર દરમિયાન એકમાત્ર ફિલ્મ અંદાઝ અપના અપનામાં સ્ક્રીન શૅર કરી અને પછી લોકો આ જોડીને સ્ક્રીન પર જોવા તલસી ગયા.

મોટો પડકાર

આમ રણબીર કપૂર માટે ત્રણેય ખાનોને એક સાથે લઈ એક ફિલ્મ બનાવવી એક મોટો પડકાર બની રહેશે. જોઇએ રણબીર સફળ થાય છે કે કેમ?

આવી ગયુ પીકેનું બીજુ પોસ્ટર

PK : બીજુ પોસ્ટર રિલીઝ, આમિરે ધર્યો ગુજરાતી લુક, ટ્રાંઝિસ્ટર ફગાવી ભોંપૂ ઉપાડ્યો...