For Quick Alerts
ALLOW NOTIFICATIONS  
For Daily Alerts
Oneindia App Download

સુરતમાં વિદ્યાર્થીઓને કહેવાય છે : ભણવાનું છોડો, મચ્છરોને શોધો

|
Google Oneindia Gujarati News

સુરત, 25 ઓગસ્ટ : ગુજરાતના ટેક્સટાઇલ સિટી સુરતની મહાનગરપાલિકા સંચાલિત માધ્યમિક શાળાના વિદ્યાર્થીઓ ખૂબ પરેશાન છે. આ પરેશાની વધારે હોમવર્કને કારણે નહીં, કોઇ પ્રોજેક્ટ વર્કને કારણે નહીં પરંતુ મચ્છર શોધવાના કામને કારણે પરેશાન થઇ ગયા છે.

સરકારી શાળાઓએ આ વિદ્યાર્થીઓને ભણવાનું છોડીને શહેરમાં મચ્છરો શોધવા માટે દોડાવવામાં આવ્યા છે. તેમને પોતાની મચ્છર શોધનો રિપોર્ટ એક ખાસ ફોર્મેટમાં તૈયાર કરીને સોંપવાનું કહેવામાં આવ્યું છે.

surat-athwalines-split-bridge

મહાનગરપાલિકાના ફરમાન અનુસાર સરકારી શાળાના ધોરણ સાત અને આઠના અંદાજે 30,000 વિદ્યાર્થીઓને શાળાની આસપાસના પાંચ મકાનોમાં મચ્છર બ્રિડિંગની સાઇટ શોધવા માટે કહેવામાં આવ્યું છે.

વિદ્યાર્થીઓને આ કામ હોમવર્કની જેમ કરવા માટે કહેવામાં આવ્યું છે. કામ પૂરું કરાયા બાદ તેની માહિતી શિક્ષકો દ્વારા નગરપાલિકાને આપવામાં આવશે. એટલું જ નહીં વિદ્યાર્થીઓ ખરેખર મચ્છર શોધવા માટે જઇ રહ્યા છે કે નહીં તેના પર શિક્ષકો ધ્યાન આપી રહ્યા છે.

આ રિપોર્ટ વિદ્યાર્થીઓએ દર સપ્તાહે આપવાની રહેશે. આ અંગે સુરત મહાનગરપાલિકાના અધિકારી કે જી વૈષ્ણવનું કહેવું છે કે દરેક વિદ્યાર્થીઓ જો પાંચ પાંચ ઘરમાંથી મચ્છર શોધશે તો પણ અનેક સાઇટ્સમાંથી મચ્છરોના જન્મને અટકાવી શકાશે.

English summary
Gujarat : Leave studies, search mosquitoes campaign in Surat.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X