Former Maldivian President Mohamed Nasheed arrested | માલદીવના પૂર્વ રાષ્ટ્રપતિ મોહમ્મદ નાશીદની ધરપકડ - Oneindia Gujarati
Search
Newsletter
 
Share This Story

માલદીવના પૂર્વ રાષ્ટ્રપતિ મોહમ્મદ નાશીદની ધરપકડ

Posted by:
Published: Tuesday, March 5, 2013, 16:53 [IST]

માલદીવના પૂર્વ રાષ્ટ્રપતિ મોહમ્મદ નાશીદની ધરપકડ

માલે, 5 માર્ચઃ માલદીવના પૂર્વ રાષ્ટ્રપતિ મોહમ્મદ નાશીદની માલે સ્થિત તેમના નિવાસ્થાનેથી ધરપકડ કરવામાં આવી છે. નીચલી અદાલતે તેમના વિરુદ્ધ ત્રીજું વોરન્ટ જારી કર્યા બાદ તેમની ધરપકડ કરવામાં આવી છે.

હાલની સરકારના પ્રવક્તા શાહુના અમીનાથે એક સમાચાર એજન્સીને જણાવ્યુ કે, થોડાક સમય પહેલાં જ રાજધાની માલેમાં મોટી સંખ્યામાં પોલીસ કર્મીઓએ મોહમ્મદ નાશીદની ધરપકડ કરી છે.

મોહમ્મદ નાશીદ પર આરોપ છે કે તેમણે સેનાનો ઉપયોગ કરીને આપરાધિક અદાલતના મુખ્ય ન્યાયાધીશ અબ્દુલ્લા મોહમ્મદને ગેરકાયદે રીતે નજરબંધ રાખ્યા હતા.

બીજી તરફ મોહમ્મદ નાશીદે આ પગલાને પોતાના વિરુદ્ધનું રાજકીય ષડયંત્ર ગણાવ્યું છે અને કહ્યું છે કે, એવો મામલો બનાવવામાં આવ્યો છે કે જેથી તે સપ્ટેમ્બરમાં રાષ્ટ્રપતિ પદની ચૂંટણી લડી શકે નહીં.

મોહમ્મદ નાશીદ છેલ્લા બે વોરન્ટ દરમિયાન ધરપકડથી બચવા માટે ભારતીય દૂતાવાસમા શરણ લઇ ચૂક્યા હતા. નાશીદ 13 ફેબ્રુઆરીએ ભારતીય દૂતાવાસમાં રોકાયા હતા. 11 દિવસ સુધી ત્યાં રોકાયા બાદ ગત શુક્રવારે તેઓ પોતાના ઘરે ગયા હતા. જ્યાં તેમની ધરપકડ કરવામાં આવી છે.

દેશ-દુનિયાના દરેક સમાચાર પર વનઇન્ડિયાની નઝર, અપડેટ રહેવા માટે Facebook અને Twitter પર આજે જ જોડાવો..
Topics: maldivian president, mohamed nasheed, arrest, court, માલદીવના રાષ્ટ્રપતિ, મોહમ્મદ નાશીદ, ધરપકડ, કોર્ટ
English summary
Former Maldivian President Mohamed Nasheed was arrested on Tuesday. Nasheed will be presented before the court on Wednesday.
Write a comment

Please read our comments policy before posting

Click here to type in Gujarati