સિલ્વિયો બર્લુસ્કોનીને સેક્સ કેસમાં સાત વર્ષની સજા
આ સાથે અલાદતે બર્લુસ્કોનીને સત્તાનો દુરુપયોગ કરવા માટે દોષિત ઠેરવતા તેમને કોઇ પણ પ્રકારના જાહેર પદ ગ્રહણ કરવા માટે અયોગ્ય અને પ્રતિબંધિત ઠેરવી દીધા છે. ન્યાયાધીશોએ બર્લુસ્કોનીને ફરિયાદી પક્ષ દ્વારા કરવામાં આવેલા અનુરોધને પગલે વધારે સજા સંભળાવી છ. ફરિયાદી પક્ષે 76 વર્ષના બર્લુસ્કોનીને ઓછામાં ઓછી 6 વર્ષની સજા કરવાની માંગ કરી હતી.
બર્લુસ્કોનીના વકીલ નિક્કોલો ગેદિનીએ સજા સંભળાવવામાં આવી તે પછી જણાવ્યું કે આ સજા સંપૂર્ણ રીતે ન્યાય વિરુદ્ધ છે. ન્યાયાધીશોએ ફરિયાદી પક્ષના કહેવાથી વધારે સજા ફરમાવી છે. આ દરમિયાન કોર્ટ રૂમમાં હાજર દેખાવકારોના એક જૂથે કોર્ટના નિર્ણયનું સ્વાગત કરતા રાષ્ટ્રગીતનું ગાન કર્યું હતું.
બર્લુસ્કોનીને સજા સંભળાવવામાં આવી તે સાથે જ તેમના પર છેલ્લા બે વર્ષથી ચાલી રહેલી સુનવણીનો અંત આવ્યો હતો. આ સજા ત્યાં સુધી મુલતવી રહેશે જ્યાં સુધી તમામ અપીલોની સુનવણી કરવામાં નહીં આવે. આ પ્રક્રિયામાં અનેક વર્ષોનો સમય લાગવાની શક્યતા છે. બર્લુસ્કોનીની ઉંમરને જોતા એવી શક્યતા ઓછી છે કે તેઓ ક્યારેય જેલની ઓરડી જોશે. કારણ કે ઇટાલીમાં 70 વર્ષની વયથી વધારેની વ્યક્તિઓ માટે સજાની જોગવાઇઓમાં ઉદારતા રાખવામાં આવે છે.