How to : આ રીતે લોક કરો તમારું આધારકાર્ડ
યુઆઇડીએઆઇ દ્વારા લોકોને તેમની ખાનગી માહિતી લિક ના થાય અને તે ચોરી ના થાય તે માટે કેટલાક સુરક્ષા ઉપાયો જણાવવામાં આવ્યા છે. યુઆઇડીએઆઇ એ તેને બાયોમેટ્રિક લોક નામ આપ્યું છે.
યુઆઇડીએઆઇ દ્વારા લોકોને તેમની ખાનગી માહિતી લિક ના થાય અને તે ચોરી ના થાય તે માટે કેટલાક સુરક્ષા ઉપાયો જણાવવામાં આવ્યા છે. યુઆઇડીએઆઇ એ તેને બાયોમેટ્રિક લોક નામ આપ્યું છે. તમને જણાવી દઇએ કે આ વિકલ્પ પહેલાથી જ ત્યાં હાજર હતો. અને આ પહેલા પણ અમે આ અંગે લખી ચૂક્યા છીએ. પણ કેટલાક લોકોને આ અંગે જાણકારી ના હોવાના કારણે તે આ વિકલ્પનો ઉપયોગ કરી શક્યા નહતા. હવે જે રીતે સરકાર વિવિધ વસ્તુઓ સાથે આધાર કાર્ડને જોડી રહી છે. અને જે રીતે આધાર ડેટા લિક થવાની સંભાવના વધી છે તે જોતા યુઆઇડીએઆઇ એ અંગે સ્પષ્ટતા આપી છે. યુઆઇડીએઆઇ એ પર્સનલ ઇન્ફોર્મેશન વાળા આ આંકડાઓની સુરક્ષા માટે હાલમાં જ વર્ચ્યુઅલ આઇડીનો એક અતિરિક્ત ઉપાય જોડ્યો છે. પણ બાયોમેટ્રિક લોક દ્વારા તમે તમારા આધાર કાર્ડને જરૂર મુજબ લોક અને અનલોક કરી શકો છો. અને તે જ લોકોને તમારા અંગે જાણકારી આપી શકો છો જેમને તમે આપવા ઇચ્છો છો. તો કેવી રીતે આધાર કાર્ડને લોક કરશો જાણો અહીં
આ માટે ઉપયોગકર્તાએ પોતાના રજિસ્ટર મોબાઇલ નંબરથી યુઆઇડીએઆઇની વેબસાઇટ કે એપ પર જઇને પોતાના આધાર નંબર સુધી પહોંચવું પડશે. જે માટે સૌથી પહેલા યુઆઇડીએઆઇની વેબસાઇટ પર જઇને. તમારો 12 અંકોનો આધાર નંબર નાંખો અને પછી આધાર નંબરનો ઓપીડી તમારા રજિસ્ટ્રર મોબાઇલ ફોનમાં આવશે તેને પણ નાંખો. આ ખુલ્યા પછી જે પેઝ આવશે તેની પર તમને બાયોમેટ્રિક લોકિંગને સક્રિય કરવા માટે સિક્યોરીટી કોડ બનાવીને તમારે બોક્સમાં લખવો પડશે. અને પછી અનેબલ (ENABLE) પર ક્લિક કરવાનું છે. તમારા આધાર કાર્ડ પણ બાયોમેટ્રિક લોકિંગ અનેબલ થઇ જતા તે પછી કોઇ તમારા બાયોમેટ્રિક ડેટાનો ઉપયોગ નહીં કરી શકે. નોંધનીય છે કે આ બાયોમેટ્રિક લોકની સૌથી સારી ખાસિયત તે છે કે તમારે તમારા આધાર કાર્ડનો ઉપયોગ કરીને કોઇ વેરિફિકેશન કરાવવું હોય તો તમે તમારા આધાર બાયોમેટ્રિક ડેટાને અનલોક પણ કરી શકો છો. પણ ધ્યાન રાખજો કે તમારો આધાર બાયોમેટ્રિક ડેટા ખાલી 20 મિનિટ માટે જ અનલોક થશે પછી પાછા લોક થઇ જશે. આમ આ દ્વારા તમે તમારો ખાનગી જાણકારી તમારી સુધી જ સિમિત કરી શકો છો.