MovieReview: કપિલની ફિરંગી કોમડી છે, પરંતુ કઇંક મિસિંગ છે

પ્લોટ

ફિલ્મની વાર્તા સ્વતંત્રતા પહેલાના પંજાબની છે, ‘ફિરંગી'ની વાર્તા મંગતરામ ઉર્ફે મંગા(કપિલ શર્મા)ની આસપાસ ફરે છે. મંગા પોતાના ગામડાનો સૌથી વધુ મજાક કરતો માણસ છે. એની એક આવડત છે, તે કોઇનો પણ કમરનો દુખાવો એક જ કિકમાં સારો કરી આપે છે. આ ટેલેન્ટને કારણે તેને બ્રિટિશ ઓફિસર માર્ક ડેનિયલ જોબ આપે છે. એ પહેલા જ તેના પડોશીના લગ્નમાં મહાલવા ગયેલ આ હીરો પહેલી નજરે જ પ્રેમમાં પડે છે. પરંતુ સ્થિતિ ત્યારે બદલાય છે, જ્યારે ત્યાંના લોકર કિંગ રાજા ઇંદ્રવીર(કુમુદ મિશ્રા) અને માર્ક મળીને મંગતને ગામવાસીઓને દગો આપવા માટે રાજી કરે છે, જેથી તેઓ દારૂની ફેક્ટરી ખોલાવી શકે. હવે આગળ મંગત આમાં કઇ રીતે પરિવર્તન લાવે છે, ગામવાસીઓને કઇ રીતે બચાવે છે, એ જોવું રસપ્રદ થઇ પડશે.

ડાયરેક્શન

161 મિનિટની આ ફિલ્મ તમને અનેકવાર બોર કરશે. દર્શકો આ ફિલ્મ સાથે ઇમોશનલી કનેક્ટ નથી થઇ શકતા અને ના તો આ ફિલ્મમાં કંઇ નવું છે. ફિલ્મનું ડાયરેક્શન પણ થોડું કનફ્યૂઝિંગ છે. ફિલ્મમાં બ્રિટિશ રાજ અંગે વ્યંગ કરવાનો પ્રયત્ન થયો છે અને સાથે જ રોમાન્સ અને કોમેડી પણ ઉમેરવાનો પ્રયત્ન થયો છે.

પર્ફોમન્સ

કોમેડીથી અલગ ઝોનમાં કપિલ શર્માને જોવાની ખરેખર મજા આવે છે, દુઃખની વાત એ છે કે, તમે આખી ફિલ્મમાં તેમની પાસેથી કઇંક સારુ કરવાની આશા રાખશો. તમને પણ એમ થશે કે કપિલ શર્મા આટલા સીરિયસ કેમ છે? ઇશિતા દત્તાનું કામ સારું છે. મોનિકા ગિલને ઑક્સફોર્ડ યુનિવર્સિટીની ભણેલી-ગણેલી યુવતી તરીકે દર્શાવવામાં આવી છે, પરંતુ તેનું એક્સેન્ટ ખૂબ કન્ફ્યૂઝિંગ છે.

ટેક્નિકલ આસ્પેક્ટ, સંગીત

લો બજેટ ફિલ્મની દ્રષ્ટિએ જોઇએ તો ફિલ્મના વિઝ્યુઅલ્સ ઘણા સારા છે. ફિલ્મ થોડી વધારે નાની કરી શકાઇ હોત, જેથી લોકોનું ધ્યાન બીજે ભટકે નહીં. ફિલ્મનું સંગીત એટલું ખાસ નથી.

ફિલ્મ જોવી કે નહીં?

જો તમે કપિલ શર્માના ફેન હોવ અને તેમને કોમેડી સિવાય કંઇ અલગ કરતા જોવા માંગતા હોવ તો જ આ ફિલ્મ જોવી. જો તમે માત્ર એન્ટરટેઇન્મેન્ટના હેતુ સાથે ફિલ્મ જોવા માંગતા હોવ તો તમે નિરાશ થશો.