VIDEO: અનૂપ જલોટાની આ વાત પર રોઈ જસલીન, શું બ્રેકઅપ થઈ ગયુ બંનેનુ?

અનૂપ જલોટાએ ગર્લફ્રેન્ડ સાથે કર્યુ બ્રેકએપ

ભજન સમ્રાટ અનૂપ જલોટા અને તેમનાથી 37 વર્ષ નાની ગર્લફ્રેન્ડ મથારુના રસ્તા અલગ થઈ ગયા છે. બંને બિગ બોસની 12 સિઝનમાં આવ્યા હતા સાથે પરંતુ કદાચ અહીંથી બહાર અલગ થઈને નીકળશે કારણકે અનૂપ જલોટાએ બધાની સામે જસલીન સાથે બ્રેકઅપ કરી લીધુ છે. તેમણે બિગ બોસના ઘરમાં બધાની સામે કહ્યુ કે તે હવે જસલીન સાથે નથી. જલોટાની આ વાત સાંભળીને જસલીન ખૂબ રડવા લાગી અને તેમને મનાવવાની કોશિશ પણ કરી પરંતુ જલોટા પોતાના નિર્ણય પર અડગ રહ્યા.

આ પણ વાંચોઃ VIDEO: તનુશ્રી દત્તા પર હુમલાનો વીડિયો આવ્યો સામે, જોઈને ધ્રૂજી જશો તમે

જસલીન મથારુના ટાસ્કથી થયા નારાજ

જલોટાના બ્રેકઅપનું કારણ હાલમાં જ કરવામાં આવેલુ એક ટાસ્ક હતુ. જેમાં જસલીન સારુ પ્રદર્શન ન કરી શકી. હાલમાં જ બિગ બોસમાં એક નોમિનેશન ટાસ્ક કરવામાં આવ્યુ જેમાં સિંગલ લોકોએ કપલ્સમાંથી કોઈ એકને કિડનેપ કરવાનું હતુ. કિડનેપ થયેલા કપલનો સાથી સિંગલ્સની ડિમાન્ડ પૂરી કરીને પોતાના સાથીને નોમિનેશનથી બચાવી શકતો હતો. જો સિંગલ્સની ડિમાન્ડ પૂરી કરવામાં જોડીદાર સાથી અસફળ થાય તો સિંગલ્સ સુરક્ષિત થઈ જાત. આ ટાસ્કમાં દીપિકા અને નેહા કિડનેપર બન્યા હતા અને તેમણે અનૂપ જલોટાને કિડનેપ કર્યા.

‘હું હવે એકલો છુ અને આ જોડી તોડી રહ્યો છુ'

અનૂપને છોડાવવામ માટે બંનેએ ડિમાન્ડ રાખી કે જસલીન પોતાના કપડા, મેકઅપનો સામાન આપે અને પોતાના વાળ કપાવે. જસલીન દીપિકા અને નેહાની આ ડિમાન્ડ માનવાનો ઈનકાર કરી દે છે. જસલીનનો આ ટાસ્કમાં પ્રદર્શન જોઈને જલોટા દુખી થઈ ગયા અને તેમણે બધાની સામે કહી દીધુ કે તે આ જોડી તોડી રહ્યા છે. અનૂપ જલોટાએ કહ્યુ, ‘તેમણે પોતાના કપડા, વાળ, મેકઅપ સાથે વધુ પ્રેમ બતાવ્યો એટલા માટે હું હવે તેમની સાથે નથી. હું હવે એકલો છુ અને આ જોડી તોડી રહ્યો છુ.'

ધ્રૂસકે-ધ્રૂસકે રડવા લાગી જસલીન

જલોટાએ કહ્યુ કે આ ટાસ્કથી વ્યક્તિનું ઉંડાણ ખબર પડે છે. તેમનો આ નિર્ણય સાંભળીને જસલીન ચોંકી ગઈ અને બહાર જઈને ધ્રૂસકે-ધ્રૂસકે રડવા લાગી. તેણે જલોટાને મનાવવાની કોશિશ પણ કરી અને કહ્યુ કે આ માત્ર એક ટાસ્ક અને ગેમ હતી. અનૂપ જલોટાએ કહ્યુ કે તેમને આ વાતનું ઘણુ ખોટુ લાગ્યુ અને તે પોતાના નિર્ણય પર અડગ છે. તેમન નિર્ણયને કોઈ નહિ બદલી શકે.

આ પણ વાંચોઃ તૈમૂર અલી ખાનની નૈનીને દર મહિને મળે છે આટલા લાખ, જાણીને ચોંકી જશો